Rrënjët tona.
Rrugët tona.

Degët e familjes Manaj ndoqën rrugë të ndryshme në punë e në jetë, duke ruajtur rrënjët dhe lidhjet e përbashkëta.

Dega e Hysenit lidhet kryesisht me punën në stacionin hekurudhor të Pejës, si dhe me bizneset e veta familjare. Hekurudha ishte pjesë e jetës së kësaj dege, brez pas brezi.

Nga dega e Seferit dolën politikanë, mjekë dhe arkitektë dhe sportist të dalluar. Profesionet dhe përvojat e tyre i dhanë historisë së familjes drejtime të reja, duke e vazhduar atë në jetën publike, në mjekësi dhe në arkitekturë.

Paraardhësi më i hershëm që njohim është Mara, babai i Demir Osmanit. Pas tij vjen Man Demiri, i njohur si Moni, me emrin e të cilit lidhet mbiemri Manaj. Man Demiri pati Zymerin, Rame Manin dhe Islamin. Rame Mani pati Kamerin, Smajlin, Xhemajlin dhe Demushin, i cili vdiq i ri dhe i pamartuar, si dhe tri vajza: Hakën, Havën dhe Hanën. Datat e brezave të parë presin ende të plotësohen.